SOAL-SOAL LATIHAN US BAHASA SUNDA 2021

         40 SOAL

1.        Hadirin anu sami rawuh,

Salajengna perkara pentingna cai dina kahirupan urang Sunda, bisa kacrukcruk ogé tina paribasa. Gening aya paribasa kieu “ka cai jadi saleuwi, ka darat jadi salebak”.

Mung sakitu nu kapihatur, hapunten bilih aya saur nu teu kaukur basa nu teu karéka. Hatur nuhun.

Wassalamu’alaikum.

Ungkara “ka cai jadi saleuwi, ka darat jadi salebak”dina téks di luhur ngandung harti....

A.    kudu silih élingan ngeunaan pentingna cai.

B.     kudu nyieun ngaran tempat dimimitian ku cai.

C.     kudu sauyunan, sapapait-samamanis.          

D.    mun rék tatanén kudu diatur ku ulu-ulu.

E.     kudu ngutamakeun miara cai.

 

2.        “Sadérék sadayana, danget ieu sim kuring Tia, kapapancénan janten panumbu catur sawala kelompok. Nu baris midang dina dinten ayeuna nyaéta ti kelompok 2 ”.

Pokpokan Panumbu Catur di luhur mangrupa . . . dina acara sawala.

A.    salam bubuka

B.     ngawanohkeun diri

C.     ngamimitian sawala

D.    ngawilujengkeun ka pangjejer

E.     mungkas sawala

 

3.        Baca sempalan carita pondok ”Tukang Kembang” karya Gagah Nugraha Aulia ieu di handap!

Saréréa. Saimah-imah. Pa Gumbira, Apana Inggit. Bu Gumbira, indungna. nyaah pisan ka si Aki. Atuda Unggal si Aki mulang ka lemburna, balikna deui téh kudu baé aya oléh-oléh husus keur Inggit. Nu dimaksud si Aki ku saréréa téh, tukang kembang langgangan Bu Gumbira jeung Inggit. Tina sering balanja kembang ti Si Aki, laun-laun jadi asa jeung baraya. Mana komo sanggeus Si Aki tukang kembang siga nu nyaaheun pisan ka Inggit. Malah pok deui-pok deui nyebutkeun asa ka incu sorangan. Atuh beuki asa jeung baraya baé. Urang Panjalu si Aki téh. Ngaran aslina mah Abdul Manap. Ti keur ngora kénéh geus bubuara ka Bandung. Asalna tukang minyak tanah. Ditanggung maké salang jeung rancatan. Ka béh dieu ganti ngajualan kembang. Sabulan atawa dua bulan sakali, sok mulang ka lemburna. Ku sabab geus teu asa jiga téa., ku Bu Gumbira sering dibahanan oléh-oléh bawaeun ka lemburna. Aya gula, kopi, sirop, kué kaléng, sakapeung pakéan urut batur keur babasah. Anu tara téh ngongkosan, lantaran keukeuh tara ditarima. Teu sangka nya, si Aki tukang nyunyurung roda kembang téh, putra-putrana maraju. Di antarana waé anu natamu ka Pa Gumbira. Kagungan pabrik beusi sagala, cenah, anjeunna téh.

 

Dumasar kana sempalan carita pondok di luhur, mana anu teu kaasup ajén atikan anu bisa dipaké tur dipatalikeun jeung kahirupan sapopoé di masarakat....

A.    Ulah ngajén jalma tina tagogna.

B.     Upama urang bageur ka batur, pasti batur ogé bageur ka urang.

C.     Kahirupan dina éta carita teu mustahil bakal kajadian.

D.    Si Aki urang Panjalu. Ari urang Panjalu osok marerih.

E.     Jalma anu beunghar teu salawasna boga sikep adigung.

 

4.        Titénan ieu tabél di handap!

 Dumasar tabél di luhur, nu kaasup unsur biografi nu bener dituduhkeun ku nomer....

A.    1-2-3-4-5-6-8-9

B.     1-2-3-5-6-7-8-9

C.     1-2-3-4-5-7-8-9

D.    1-2-4-5-7-8-9-10

E.     1-3-4-6-7-8-9-10

 

5.        Baca téks biografi di handap!

Biografi Ridwan Kamil

Mochamad Ridwan Kamil, S.T, M.U.D leuwih dipikawanoh ku jujuluk Kang Emil; gumelar di Bandung, Jawa Barat, 4 Oktober 1971, Anjeuna putra kadua ti lima sadudulur ti pasangan Bapa Atje Misbach Muhjiddin sareng Ibu Tjutju Sukaesih. Emil atawa Ridwan Kamil sabenerna resep pisan nyawang ti leuleutik. Anjeuna resep maca komik jeung ningalian foto-foto kota ti mancanagara. Kanggo riwayat atikana Ridwan Kamil sakola di SDN Banjarsari III, SMPN 2 Bandung, tur SMAN 3 Bandung. Sabada SMA Ridwan Kamil ngalajengkeun Kuliah di ITB jurusan Teknik Arsitektur. Emil salila kuliah kawilang aktif dina organisasi-organisasi nu aya di kampusna. Emil gé sumanget pisan dina widang kawirausahaan pikeun néangan dana tambahan keur kuliah, manéhna nyieun ilustrasi ogé makét pikeun dosén. Sabada lulus Emil damel di Amerika Serikat, ngan sabada aya krisis monéter di Indonesia nu ngabalukarkeun kliena teu mayar hasil gawéna. Tapi sabada kajadian éta Emil teu langsung wangsul ka Indonesia, anjeuna milih netep di Amerika dugi ka ngalaman kasusah ngan tiasa tuang sakali dina sadinten. Anjeuna kénging béasiswa ti University of California, Berkeley. Salami nyandak kuliah S2 Emil damel di Departemen Perencanaan Kota Berkeley. Pikeun biaya hirupna, ujianna teu ngan saukur éta, nalika Emil kudu nyanghareupan Atalia Praratya (Istrina) badé ngababarkeun putra kahijina anjeuna bingung sabab teu kagungan waragad kanggo prosés babaranna, anjeuna dugi ka ngaku miskin ka pamaréntah satempat pikeun kénging pengobatan gratis. Pangalaman éta janten ajén-ajén pribadi nu ngajadikeun Emil kuat dina mayunan kahirupan.

     Sabada ngaréngsékeun kuliah Emil mulang deui ka tanah air Indonésia tur ngadegkeun Urbane hiji firma nu gerak dina widang jasa konsultan jeung perencanaan, arsitektur ogé desain. Tidinya karir Emil teras majeng, salian janten prinsipal PT. Urbane Indonesia anjeuna ogé janten dosén teu netep di Jurusan Arsitektur ITB. Salian dina widang éta ayeuna Emil ngawitan ngalalanyah kana widang politik, ti ngawitan janten Wali Kota Bandung dugi ka ayeuna janten Gubernur Jawa Barat.

Sumber : hasil narjamahkeun ogé ngutip tina biografi Ridwan Kamil

nu aya di www.biografiku.com

 

Dumasar sempalan téks biografi di luhur, tarékah nu ku Kang Emil dilakonan pikeun nambahan biaya  kuliahna di Indonésia nyaéta....

A.    ngilu aktif dina widang usaha desain

B.     gawé di departemén perencanaan

C.     nyieun ilustrasi ogé makét pikeun dosén

D.    nyieun gambar-gambar ilustrasi panorama

E.     muka usaha dina widang arsitektur ogé desain

 

6.      Tengetan paragrap ieu di handap!

(1) Teu saeutik mahluk hirup, kaasup manusa, anu hirup-hurip ka hareupna gumantung ka leuweung.

(2) Leuweung dibukbak, urang balangsak.

(3) Leuweung téh kacida pentingna pikeun kahirupan sakumna mahluk nu kumelip di alam dunya.

(4) Lain bébénjo éta téh.

Runtuyan nu merenah dina nulis karangan wangun bahasan/pedaran nyaèta ….

A.    1, 2, 3, 4,

B.     2, 3, 4, 1,

C.     2, 3, 1, 4,

D.    3, 4, 1, 2,

E.     2, 4, 3, 1

 

7.      Tengetan runtuyan bagian bubuka dina hiji paragrap ieu di handap!

1.      Legana pedaran

2.      Alesan milih jejer (topik) pedaran

3.      Masalah-masalah nu dipedar

4.      Tujuan jeung gunana pedaran

5.      Watesan jeung pedaran

6.      Pentingna jejer (topik) pedaran

Runtuyan bagian bubuka nu luyu jeung pakeman nyaéta….

A.    2-3-4-5-6-1

B.     2-6-1-5-3-4

C.     1-2-3-4-5-6

D.    3-2-6-5-4-1

E.     4-3-2-1-6-5

 

8.      Dina ngawangun imah teu meunang maké bata jeung semén, … bahanna kudu ngagunakeun kai jeung awi.

Kecap nu mernah pikeun ngalengkepan éta kalimah nyaéta....

A.    tapi

B.     lantaran

C.     ngarah

D.    jeung

E.     sarta

 

9.        Tengetan runtuyan karangan résénsi ieu di handap!

1.         Kapangarangan atawa kaaktoran

2.         Ringkesan eusi buku atawa carita pilem

3.         Judul  résénsi

4.         Kaunggulan jeung kaparigelan

5.         Idéntitas buku atawa film.

Karangan résénsi mibanda adegan atawa sistematika nu tangtu. Runtuyan nu bener pikeun nulis résénsi téh nyaéta….

A.    1-2-3-4-5

B.     2-3-5-4-1

C.     3-5-2-1-4

D.    4-5-1-2-3

E.     5-1-3-4-2

 

10.    Tengetan sempalan drama ieu di handap!

 

Mahasiswa : “Punten!”

“Daramel naon ieu téh?”

Badéga      : “Rampés!”

Léngsér     : “Bagéa sumping!

nu anyar panggih

hampura kuring

ngomong ku kawih

dipirig gending

tartib tur rintih”

Si Kabayan: “Lain keur badami, keur tingharuleng.”

                           “Éta nu duaan.”

Sempalan drama di luhur kaasup kana bagian….

A.       épilog

B.      dialog

C.      candraan

D.     monolog

E.      adegan

 

11.    Titénan pertélaan ciri-ciri artikel ieu di handap!

(1)   Aya ngaran nu nulisna.

(2)   Miboga gagasan nu aktual jeung atawa kontrovérsial.

(3)   Sipat tulisanana  kudu naratif jeung subjéktif.

(4)   Gagasan nu diangkat dina tulisan kudu patali jeung kapentingan jalma réa.

(5)   Ditulis kalayan référénsial ku visi nu inteléktual.

 

Artikel nu ditulis pikeun kalawarta atawa majalah mibanda ciri-ciri  nyaéta …..

A.    1 - 2 - 3

B.     2 - 3 - 4

C.     3 - 4 - 5

D.    1 - 2 - 4

E.     1 - 3 -  5

 

12.    Titénan ieu cutatan artikel!

… Dina naskah kuna ieu téh aya palanggeran, tuduh laku tatakrama pikeun jadi pamingpin di masarakat jaman harita (1) Aksarana ngagunakeun aksara Sunda  Buhun nu disundakeun deui kana basa Sunda ayeuna ku Drs. Saleh Danasasmita taun 1985 (2)

Prabu Siliwangi (disebat ogé Jayadéwata, Pamanah Rasa, Wangi Sutah, Keukeumbingan Raja Sunu, Sri Baduga Maharaja) jumeneng rajana ti  taun 1484-1521 M(3) Aya naskah Sunda kuna nu disebat Sanghyang Siksa Kanda’Ng Karesian  (4) Ieu  naskah Kuna téh asli titinggal karuhun Sunda taun 1518  M  (5) Sanajan  kitu éta  palanggeran  téh tetep gedé gunana pikeun  jadi palanggeran tatakrama pamingpin Sunda jaman ayeuna, éta palanggeran téh disebatna  Parigeuing (6) ….

 

Runtuyan kalimah di luhur saupama ditulis kalawan sistematis nyaéta….

A.  1-2-3-4-5-6

B.   2 -3-4-5-6-1

C.     3-4-5-6-1-2

D.    4-5-2-3-1-6

E.     4-5-2-1-3-6

 

13.    Titénan wacana ieu di handap.

Caturkeun ratu di manggung, carita di kahyangan. Guru Minda kahyangan, anak déwata cikalna, titisan Guru Hyang Tunggal, seuweu batara di langit, ngabujangga di paradéwata, kasép taya papadana, keur meujeuhna teguh. Tuluy ngimpi kagungan bébéné, sarupa jeung Sunan Ambu; ngalingling ngadeuleu maling.  Enggeus nganggo raksukan, salin jenengan kana Lutung Kasarung; kasarungku sadulur, kasimpang ku barayana. Cedok nyembah, indit ngusap birit, angkat ngusap sinjang, bisi kawiwirangan keur ngawula

 

Dumasar kana Sempalan carita pantun di luhur kaasup kana bagian.…

A.    rajah

B.     narasi

C.     déskripsi

D.    dialog

E.     monolog

 

 

14.    ISAH       : (semu nyungkun) “Ari Ujang ti mana baé atuh, wayah kieu nembé mulih. pan

                   biasa ogé, bubar sakola mah jam hiji, lin?”

UDIN       : (ngajawabna henteu saregep) “Biasa, Ma. Diskusi kelompok!”

ISAH        : “Moal enya diskusi mani saban poé. Ulah sok ngabohong ka indung mah, bisi  doraka!”

UDIN       : “Kajeun ari teu percaya mah.”

ISAH        : “Tuh, da mawa karep sorangan baé manéh mah.”

UDIN       : “Isukan Udin butuh duit, Ma!”

ISAH        : “Nya, kana duit deui lumpatna téh. Meunggeus ah, bosen ngadéngéna ogé, saban usik ménta duit. Ilikan atuh kaayaan kolot, sakieu teu bisa usaha téh. Bapa manéh apan kalah ka beuki maceuh, ayeuna ogé teuing ka mana.”

UDIN       : ‘Kudu aya isuk, Ma. Keur mayar buku. Mun henteu mawa, Udin bakal dicarékan ku guru!”

ISAH        : Keun baé dicarékan ogé. Ari euweuh, nya kudu kumaha deui. Guru ogé ngama’lum meureun. Atuda bongan sorangan, boga duit téh sok dihambur-hambur. Anggur ditabungkeun, ngarah aya sampeur-sampeureun upama pareng euweuh.”

 

Watek Udin dina sempalan drama di luhur nyaéta ...

A.    loba ngabohong

B.     loba kahayang

C.     pinter tapi judes

 

D.    babari ngambek

E.     getol diajar

 

 

15.    Titénan gambar  silsilah kulawarga ieu di handap!

Dumasar  gambar di luhur Prativa ka Ambalika perenahna …

 A.    nini

B.     aki

C.     incu

D.    bapa

E.     uyut

 

 

16.    Titénan sempalan carita pondok “Putri Jin” ieu di handap!

“Putra Aria Wangsagoparana teteg manahna. Anjeunna geus aya deui dina pangcalikanana anu biasa, batu démprak di gunung cadas. Jung ngadeg, nyawang kasakuriling bungking. Lapat-lapat kasawang alam paraméan anu kedah disorang ku anjeunna. Aing lain ngan ukur incuna Sunan Ciburang, lain ukur anakna Wangsagoparana, aing téh Wiratanudatar. Haté aing geus teteg, suku aing geus panceg, ngadeg dina tangtungan sorangan. Aing geus sanggup manggul kawajiban, sabab lemahna ayeuna mah geus sadia, nyaéta martabat aing sorangan.(CPPJ:47)”

 

Dumasar kana sempalan téks carpon di luhur, latar kaayaan anu kapanggih dina éta carita nyaéta…

A.    panceg kayakinan

B.     baluweng pikir

C.     bagja

D.    ketir pikir

E.     hémeng

 

17.    Titénan ieu tabél di handap!

No	Ciri-Ciri Karya Sastra
1	Karangan tinulis fiksi atawa rékaan nu galur caritana relatif basajan
2	Midangkeun hiji carita sacara bébas
3	Jumlah kajadian caritana henteu réa
4	Museur kana hiji kajadian
5	Aya parobahan nasib nu dialaman ku palaku utama
6	Palakuna ukur dua atawa tilu urang
7	Jejer (téma) jeung latar (setting) napak dina alam kahirupan kiwari
8	Midangkeun hiji hal sacara gembleng, rinci, spésifik jeung detail
9	Ilaharna panjangna sakitar 7.500 kecap
10	Kaca (halaman) antara 4 nepi 6 kaca kalayan 1,5 spasi
11	Leuwih loba midangkeun konflik nu leuwih kompléks
12	Museurkeun paniténna (perhatian) dina hiji kajadian
13	Miboga hiji plot, setting anu tunggal, jumlah tokoh anu kawates, tur ngawengku jangka waktu anu singget.
14	Aya sababaraha épisodeu dina kahirupan palaku
15	Biasana palaku utama teu nepi ka maot

 

Dumasar kana data di luhur, mana anu kaasup kana ciri-ciri carita pondok…

A.    3, 4, 5, 6, 8, 9, 10, 12, 13

B.     2, 3, 4, 6, 7, 8, 10, 14, 15

C.     1, 3, 4, 6, 7, 9, 10, 12, 13

D.    1, 3, 4, 6, 7, 9, 11, 12, 13

E.     4, 5, 9, 10, 12, 13, 14, 15

                           

 

18.    Drama Mungdinglaya Dikusumah mangrupa drama anu cara nepikeunana di haleuangkeun. Ieu drama kaasup kana wanda drama ....

A.    gending karesmén

B.     drama modéren

C.     sandiwara

D.    longsér

E.     monolog

 

19.    JURAGAN HAJAT

...

Nyi Inot         : Assalamualaikum.........!

Ceu Unéh     : Wa alaikumsalam......... Is geuning Nyi Inot tos ti mana Nyi?

Nyi Inot         : Ah, ngahaja waé ka dieu. Ari Kang Ujé aya, Ceu?

Ceu Uneh     : Can balik. Biasa wé, keur dines. Dagang peuyeum, aya naon kitu Nyi?

...

(Dicutat tina naskah drama “Juragan Hajat” karya Kang Ibing)

 

Kalimah pananya tina paguneman di luhur aya … pananya.

A.    1

B.     2

C.     3

D.    4

E.     5

 

20.    Titénan ieu pancén panata calagara.

(1)   Nyebutkeun jejer jeung pasualan anu rék disawalakeun.

(2)   Ngatur saha anu kudu nyarita.

(3)   Ngatur lumangsungna acara kalayan tandes.

Dumasar kana pedaran di luhur, eta pancén  téh mangrupa pancen pikeun….

A.    pangjejer

B.     pamilon

C.     panumbu catur

D.    girang serat

E.     girang pangajén

 

21.     Tengetan runtuyan acara paturay tineung ieu di handap!

1.         Bubuka

2.         Kedal pamungkas ti wawakil wisudawan

3.         Hiburan

4.         Pangwilujeng ti Kepala Sakola

5.         Laporan pupuhu panata calagara

Runtuyan acara nu bener nyaéta....

A.    1,2,3,4,5                                                                  

B.     1,5,2,4,3                                    

C.     1,3,4,5,2

D.    1,2,5,4,3

E.     1,2,4,3,5

 

22.    “Nanging sateuacan kelompok VII majeng kanggo menyampaikan matérina, sim kuring badé ngenalkeun saurang-saurangna.

Kecap anu digurat handap sakuduna . . .

A.    ngadugikeun, ngawanohkeun.

B.     nepikeun, ngenalkeun

C.     nyampékeun, ngenalkeun

D.    méré nyaho, ngawanohkeun

E.     ngadugikeun, ngawanohkeun

 

23.    Titénan ungkara di handap!

Bapa Bupati Sumedang ngadugikeun biantara pamapagna dina kagiatan upacara miéling kamerdékaan Indonésia. Éta biantara téh eusina mangrupa ajakan pamaréntah pikeun ngaronjatkeun rasa cinta ka lemah cai.

Tina kasus di luhur, metodeu biantara nu dianggo ku Bapa Bupati Sumedang  ngagunakeun metodeu biantara....

A.       cara ngapalkeun

B.       cara maca naskah

C.       ékstémporan

D.       kontémporér

E.        impromtu

 

24.    Baca ieu téks biantara di handap!

Cai dina Angen-angen Urang Sunda

a)      Assalamu’alaikum

b)     Sadaya puji kagungan Alloh Nu Murbéng  Alam. Solawat sinareng salam mugi dikocorkeun ka jungjunan urang sadaya, Nabi Muhammad SAW.

c)     Langkung tipayun simkuring ngahaturkeun rewu nuhun, réhna simkuring dipasihan kasempetan kanggo ngadugikeun biantara perkara “Cai dina Angen-angen urang Sunda”

d)    Cai téh dianggap kabutuhan anu utama. Ku pentingna cai,nepi ka dina kahirupan urang Sunda teu weléh dipatalikeun jeung alam pangpangna jeung cai, katitén tina ngaran patempatan anu aya patalina jeung cai. Contona waé, Cinangka, Cicaheum, Cimahi, tiluanana gé dimimitian ku kecap ci. Lain waé tempat, ku penting-pentingna cai dina kahirupan urang Sunda, aya tradisi ngatur cai keur tatanén atawa ngebon. Di pilemburan jalma nu ngatur cai téh disebutna ulu-ulu.

e)     Hadirin anu sami rawuh,

     Salajengna perkara pentingna cai dina kahirupan urang Sunda, bisa kacrukcruk ogé tina paribasa. Gening aya paribasa kieu “ka cai jadi saleuwi, ka darat jadi salebak”.

f)     Mung sakitu nu kapihatur, hapunten bilih aya saur nu teu kaukur basa nu teu karéka. Hatur nuhun.

g)   Wassalamu’alaikum.

 

Nu kaasup bagian panutup dina biantara “Cai dina Angen-Angen Urang Sunda”, aya dina bagian...

A.    (a)

B.     (c)

C.     (d)

D.    (e)

E.     (f)

  

25.    Di handap ieu mangrupa hal-hal nu aya dina laporan kegiatan

(1). Kasang Tukang

(2). Wengkuan Kagiatan

(3). Maksud jeung Tujuan

(4). Dasar Hukum

(5). Waragad kagiatan

Susunan bubuka laporan kegiatan anu bener nyaéta ….

A.    (1), (5), (4), (2)

B.     (2), (4), (3), (1)

C.     (1), (4), (3), (2)

D.    (5), (2), (1), (3)

E.     (3), (1), (2), (4)

 

26.    Dina nulis laporan, urang diperendih (dituntut) sangkan nyieun laporan anu aktual.

Harti kecap aktual dina éta kalimah miboga harti ….

A.    Kudu saluyu (sesuai) antara data jeung fakta

B.     Kudu saluyu jeung kaayaan haté nu nulis

C.     Kudu saluyu jeung paménta pimpinan

D.    Kudu dibarengan ku unsur-unsur pamohalan

E.     Kudu ditulis dumasar kana kajadian nu panganyarna.

 

27.    Baca sing gemet téks wawancara di handap!

Euis          : “Wilujeng siang Bu, Hapunten abdi ngawagel!”

Bu Encas  : “Mangga Néng, kumaha aya nu tiasa dibantos?”

Euis          : “Muhun Bu abi badé tumaros perkawis harga endog ayeuna sabaraha?

Bu Encas  : “ Mahal puguh Néng, kamari mah sakilo 24 rébu, ayeuna mah naék jadi 26 rébu sakilona téh”

Eusi          : “ Kumaha harga-harga anu sanésna?

Bu Encas  : “ Teu sadaya harga naék geulis, éta mah mung sabagian barang waé nu naék mah!”

Euis          : “ Hatur nuhun ibu kanggo informasina!”

Bu Encas  : “ Sawangsulna!”

Eusi téks wawancara di luhur téh nyaéta ….

A.    harga sembako

B.     harga endog

C.     harga sayur

D.    naékna harga

E.     néng euis ngajak wawanohan ka tukang sayur

 

28.    Baca téks wawancara di handap!

Nu nanya      : “Tarékah naon kira-kirana sangkan urang Sunda hususna generasi ngora mikacinta basa Sunda?”

Narasumber  :”Anu leuwih utamana mah dibina ku kolotna di lingkungan kulawarga ti bubudak. Ngabiasakeun maké basa Sunda di lingkungan kulawarga, mangrupa modal utama mikacintana generasi ngora kana basana sorangan.”

 

Ragam basa nu digunakeun ku narasumber dina wawancara di luhur nyaéta ....

A.    lemes keur sorangan

B.     lemes keur ka batur

C.     loma

D.    kasar

E.     cohag

 

29.    Baca sing gemet téks wawancara di handap!

Nita            : “Assalamualaikum, Pa kumaha damang? ”

Pa Rahmat  : “Waalaikumsalam, pangéstu alhamdulillah!”

Nita            : “Nepangkeun Pa, wasta pun Nita, Dupi jenengan Bapa?”

Pa Rahmat  : “Mangga, abdi sareng Pa Rahmat”

Nita            : “Bapa, abdi badé tumaros perkawis aturan  lalu lintas di jalan raya. Dupi conto aturan lalu lintas naon waé nu kedah dilaksanakeun téh?”

Pa Rahmat  : “Seueur aturan lalu lintas mah Néng, contona waé upami  kanggo nu numpak  motor, éta kedah ngaggé hélm, gaduh Surat Izin Mengemudi (SIM), kedah taat kana rambu-rambu lalu lintas, sareng nu sanésna deui.”

Nita            : “……………………….”

Pa Rahmat  : “Tangtos waé aya, upamina kanggo pengendara motor di jalan raya keuna tilang, teras henteu gaduh SIM, éta dipidana ku pidana kurungan panglamina 4 bulan atawa denda seueuerna sajuta rupiah”.

Kalimah anu luyu pikeun ngalengkepan wawancara di luhur nyaéta ….

A.    “Aya sanksi anu tangtu henteu upami urang ngarempak éta aturan?”

B.     “Teras saé atanapi henteu  upami éta aturan teu aya?”

C.     “Kumaha carana urang taat kana aturan lalu lintas?”

D.    “ Kumaha kamandang bapa ngeunaan aturan lalu lintas?”

E.      “Naon pungsina aturan lalu lintas téh?”

 

30.    Baca téks sajak di handap!

Jabal Rahmah

Ku Taufik Faturohman

 

Di Jabal Rahmah

Adam tepung jeung Hawa

sabada séwang-séwang ditundung

ti tanah surga

 

Di Jabal Rahmah

urang tepung deui

sabada séwang-séwang ditundung

rasa hariwang

 

Ieu tugu minangka ciri

aworna dua haté kasumba

muga-muga tinekanan

najan balayar na sagara

panglamunan

                                                                             (dicutat tina Pangajaran Sastra Sunda)

Kecap kasumba dina sajak di luhur saharti jeung warna…

A.    bulao

B.     kayas

C.     héjo

D.    hideung

E.     bodas

 

31.    Cikaracak ninggang batu laun-laun jadi legok

Kalimah di luhur lamun ditulis dina aksara Sunda nyaéta....

32.    Baca téks sajak di handap!

       Jabal Rahmah

       Ku Taufik Fatorohman

 

Di Jabal Rahmah

Adam tepung jeung Hawa

sabada séwang-séwang ditundung

ti tanah surga

       Di Jabal Rahmah

       urang tepung deui

       sabada séwang-séwang ditundung

       rasa hariwang

       Ieu tugu minangka ciri

aworna dua haté kasumba

muga-muga tinekanan

najan balayar na sagara

panglamunan

                                                                    (dicutat tina Pangajaran Sastra Sunda)

 

Unsur  rasa  nu nyangkaruk dina sajak di luhur nyaéta….

A.    sedih

B.     pangharepan

C.     reueus

D.    keuheul

E.     bungah

 

33.    Baca téks sajak di handap!

Priangan

 

Mojang lenjang nu hideung santen

Diaping srangéngé ti énjing dugi ka sonten

Upami wengi dipépéndé bulan ngempur

Jungjunan……..

Upami dugi ka puput umur

Kurebkeun kuring dina pangkonan

 (dicutat tina Tepung di Bandung)

Eusi sajak “Priangan” nyaritakeun ….

 

A.    hiji mojang anu hideung santen

B.     hiji mojang anu diaping ku srangéngé

C.     tempat anu caang mabra

D.    kaayaan tempat nu éndah matak reureus nyaéta tanah Priangan

E.     jalma nu hayang dikurebkeun di tanah Priangan

 

34.    Baca ieu téks biantara di handap!

Cai dina Angen-angen Urang Sunda

a)        Assalamu’alaikum

b)       Sadaya puji kagungan Alloh Nu Murbéng  Alam. Solawat sinareng salam mugi dikocorkeun ka jungjunan urang sadaya, Nabi Muhammad SAW.

c)        Langkung tipayun simkuring ngahaturkeun réwu nuhun, réhna simkuring dipasihan kasempetan kanggo ngadugikeun biantara perkara “Cai dina Angen-angen urang Sunda”

d)        Cai téh dianggap kabutuhan anu utama. Ku pentingna cai, nepi ka dina kahirupan urang Sunda teu weléh dipatalikeun jeung alam pangpangna jeung cai, katitén tina ngaran patempatan anu aya patalina jeung cai. Contona waé, Cinangka, Cicaheum, Cimahi, tiluanana gé dimimitian ku kecap ci. Lain waé tempat, ku penting-pentingna cai dina kahirupan urang Sunda, aya tradisi ngatur cai keur tatanén atawa ngebon. Di pilemburan jalma nu ngatur cai téh disebutna ulu-ulu.

e)        Hadirin anu sami rawuh,

     Salajengna perkara pentingna cai dina kahirupan urang Sunda, bisa kacrukcruk ogé tina paribasa. Gening aya paribasa kieu “ka cai jadi saleuwi, ka darat jadi salebak”.

f)        Mung sakitu nu kapihatur, hapunten bilih aya saur nu teu kaukur basa nu teu karéka. Hatur nuhun.

g)       Wassalamu’alaikum.

 

Ungkara anu luyu jeung eusi biantara di luhur nyaéta.....

A.    Patempatan di tatar Sunda asalna lain tina cai.

B.     Kahirupan manusa tara dipatalikeun jeung alam.

C.     Kahirupan moal lumangsung lamun taya cai.

D.    Cai téh dianggap kabutuhan nu teu pati penting.

E.     Kahirupan urang Sunda dipatalikeun jeung cai

 

35.    Baca sempalan dongéng di handap!

Teu lami torojol aki-aki kundang iteuk maké pakéan pandita, nyampeurkeun ka Déwi Sinta. Déwi Sinta diolo sangkan ka luar tina kalang buleud nu geus dijieun ku Lasmana. Déwi Sinta kagoda. Tuluy ka luar tina éta kalang. Sanggeus ka luar tina kalang, aki-aki téh robah wujud jadi Rahwana anu murka ti Alengka. Tuluy diiwat dibawa ngapung ku Rahwana.

Dicutat tina buku Pangajaran Sastra Sunda

Hal nu pamohalan tina dongéng di luhur bisa kapanggih tina kalimah ....

A.    “Teu lami torojol aki-aki kundang iteuk maké pakéan pandita,…”

B.     “Déwi Sinta diolo sangkan ka luar tina kalang…”

C.     “Déwi Sinta kagoda.”

D.    “…aki-aki téh robah wujud jadi Rahwana.”

E.     “Tuluy ka luar tina éta kalang.”

 

 

36.    Titénan sempalan-sempalan dongéng di handap!

(2)      Si Kabayan jalma miskin taya kaboga. Di sakampung éta mah sigana manéhna pangmalaratna baé meureun. Imah teu béda ti saung butut. Ari pagawéan sapopoéna ngan ukur jadi tukang ngoréd.

(3)      Waktu Prabu Siliwangi jadi raja di tatar Sunda, nyaéta Pajajaran Wétan jeung Pajajaran Kulon, anjeuna kagungan istri anu jenenganana Nyi kentring Manik Mayang Sunda anu nuju bobot.

(4)      Baheula Islam mimiti asup ka wewengkon Rancakalong, dibawana ku tilu jalma sepuh ti Cirebon, nya éta nu katelah Éyang Purwa, Éyang Singalanto jeung Éyang Bagus Pangéling.

(5)      Lulumpang terus digawé sorangan ngaluarkeun uyah bubuk. Beuki lila uyah téh beuki loba nepi ka minuhan parahu. Beuki beurateun waé éta parahu téh. Jalanna oléng. Antukna lep waé éta parahu karem ka jero laut. Tah ti harita cai laut téh jadi asin rasana.

(6)      Kacaritakeun di hiji leuweung geledegan aya hiji gagak ngora ngaranna si Candrika, gagak jalu gagah, malah di antara bangsana mah bisa disebut panggagahna. Geus sababaraha poé si candrika téh alum kawas aya nu dipikiran.

Sempalan dongéng di luhur nu kagolong kana wangun farabél nyaéta….

A.    1

B.     2

C.     3

D.    4

E.     5

 

 

37.    Baca téks di handap kalawan saregep!

Kaayaan jaman kiwari kacida weritna, masarakat sagala susah. Loba jalma nu ngaligeuh lantaran teu boga pagawéan. Kajadian sarupa kitu téh keuna kana paribasa hirup teu neut, paéh teu hos.

     Paribasa  hirup teu neut, paéh teu hos sarua hartina jeung paribasa Indonésia….

A.    Katak hendak jadi lembu.                           

B.     Bagai pungguk merindukan bulan.

C.     Sudah jatuh tertimpa tangga.

D.    Melihat dengan mata kepala sendiri.

E.     Hidup segan mati tak mau.

 

38.    Tengetan ieu kalimah di handap!

Semasa bermukim di Osaka, Jepang, saya mendapatkan kesempatan untuk membaca buku-buku teori sastra dan budaya yang sebelumnya tak pernah terbaca, karena bukunya pun tak pernah sampai ke negeri kita.

Tuduhkeun mana kalimah tarjamahan nu merenah tina  kalimah di luhur!

A.    Mangsa matuh di Osaka, Jepang, kuring meunang kasempetan macaan buku-buku téori sastra jeung budaya anu saacanna mah tara dibaca, da bukuna tara nepi ka nagara urang.

B.     Mangsa ngumbara di Osaka, Jepang, kuring meunang kasempetan macaan buku-buku téori sastra jeung budaya anu saacanna mah tara kabaca, da bukuna tara nepi ka nagara urang.

C.     Lamun matuh di Osaka, Jepang, kuring meunang kasempetan macaan buku-buku téori sastra jeung budaya anu saméméhna mah tara kabaca, da bukuna tara nepi ka nagara urang.

D.    Mangsa mangkuk di Osaka, Jepang, kuring meunang kasempetan macaan buku-buku tiori sastra jeung budaya anu saacanna mah tara kabaca, da bukuna tara nepi ka nagara urang.

E.     Lamun cicing di Osaka, Jepang, kuring meunang kasempetan macaan buku-buku tiori sastra jeung budaya anu saméméhna mah tara kabaca, da bukuna tara nepi ka nagara urang.

 

39.    Baca paguneman di handap kalawan saregep!

Mima   : “Bangsa Indonésia téh beunghar pisan budayana nya Nis?’

Nisa     : “Bener pisan Mim, malahan mah unggal sélér bangsa ngabogaan budaya jeung adat séwang-séwangan.”

Mima   : “Bener pisan! Tah ku lantaran kitu kuring mah kacida bangga jadi urang Indonésia téh.”

Nisa     : “Maénya bangga, jiga keur ngeusian soal waé atuh.”               

Mima   : “Enya kuduna kumaha atuh, da kuring mah teu nyaho?”

Nisa     : “Ckck!”

     Jawaban nu merenah pikeun paguneman di luhur nyaéta…

A.    Bener pisan! Tah ku lantaran kitu kuring mah kacida nineung jadi urang Indonésia téh.”

B.     Bener pisan! Tah ku lantaran kitu kuring mah kacida reueus jadi urang Indonésia téh.”

C.     Bener pisan! Tah ku lantaran kitu kuring mah kacida sumanget jadi urang Indonésia téh.”

D.    Bener pisan! Tah ku lantaran kitu kuring mah kacida kataji jadi urang Indonésia téh.”

E.     Bener pisan! Tah ku lantaran kitu kuring mah kacida bagja jadi urang Indonésia téh.”

 

40.    (1)   Sumebar sacara tinulis

(2)   Ngandung hal-hal nu teu asup akal

(3)   Caritana basajan

(4)   Caritana jembar       

(5)   Ngandung ajén atikan

(6)   Teu kapaluruh saha nu ngarangna

(7)   Ngandung unsur seni

(8)   Sumebar sacara lisan

(9)   Ngandung hal-hal nu teu pamohalan

Ciri-ciri umum nu biasana aya dina dongéng di antarana ....

A.    1, 2, 3, 4

B.     2, 3, 5, 8

C.     2, 4, 6, 8

D.    5, 7, 8, 9

E.     1, 6, 8, 9

 

 =========================================== 3/4/21