BAHAN ULUM B. SUNDA KELAS XI TAHUN PEL. 2015-2016

MATERI KAWIH JEUNG TEMBANG (update tgl 29 Nopember 2015)

Kawih  téh nyaéta  rakitan basa sabangsaning dangding nu teu maké patokan pupuh (LBSS, 1988:96). Dina kawih umumna di wangun ku sababaraha pada (bait). Sapadana diwangun ku opat padalisan (larik). Kawih mah deukeut-deukeut ka sisindiran. 

Jalma nu sok ngalagukeun rumpaka kawih disebutna Juru kawih atawa sindén.

Conto kawih : Es Lilin, Borondong Garing, Colenak,  Tanah Sunda, Angkrék Japati, Angin Priyangan, Bulan Langlayang Peuting, Dina Jandéla, Hareupeun Kaca,  jsb

Tembang  nyaeta kawih anu wangunna nurutkeun aturan pupuh, anu salawasna kauger ku patokan-patokan  guru wilangan,jeung  guru lagu, sarta nada ngahaleuangkeunana.

Conto tembang :

Jemplang Serang, Cianjuran, Banjaran. jrre.

 

Nu sok ngahariringkeun  tembang  disebutna Juru tembang atawa juru mamaos.

Sedengkeun anu disebut lagu sarua rua keneh jeung kawih. Ari lagu istilah zaman ayeuna (modern) ari kawih mah baheula.

Rumpaka téh nyaeta kekecapan dina lagu. Dina tembang sok disebut dangding, atawa guguritan. Dina lagu atawa kawih sok disebut rumpaka. Dina lagu pop Sunda, sakapeung sok campur jeung istilah musik, sok aya nu nyebut lirik (syair).

Conto rumpaka kawih :

BUBUY BULAN

Karya : Beni Corda

bubuy bulan sangray bentang
panon poe panon poe di sasate

unggal bulan
unggal bulan abdi tea
unggal poe-unggal poe oge hade

situ ciburuy launa hese di pancing
nyeredet hate ningali ngeplak caina

duh eta saha ngalangkung unggal enjing
nyeredet hate ninggal sorot socana

----------------------------------------------------------------

Es Lilin

Es lilin mah didorong-dorong
dibantun mah dibantun ka Sukajadi
abdi isin dunungan samar kaduga
sok inggis mah aduh henteu ngajadi

Es lilin mah ceuceu buatan Bandung
dicandak mah geuning ka Cipaganti
abdi isin jungjunan duh bararingung
sok inggis mah aduh henteu ngajadi

Itu saha dunungan nu nungtun munding
digantelan geuning ku saputangan
itu saha dunungan ku ginding teuing
sing horeng mah aduh geuning jungjunan

Es lilin mah ceuceu dikalapaan
raosna mah geuningan kabina-bina
abdi alim dunungan paduduaan
sok sieun mah dibantun kamana-mana

Kamana mah geuningan ngaitkeun kincir
ka kaler mah ka kaler katojo bulan
kamana mah dunungan ngaitkeun pikir
moal paler geuningan da ku sabulan

 =================================================================================

A. Wanci

1.  Tengah Peuting = Pukul 00.00 - 01.00

2.  Janari Leutik = Pukul 01.00 - 03.00

3. Janari Gede = Pukul 03.00 - 04.30

4. Balebat = Pukul 04.30

5. Carangcang Tihang = Pukul 04.30 - 05.00

6. Rebun-rebun = Pukul 05.00 - 06.00

7. Haneut Moyan = Pukul 07.00 - 08.00

8. Pacar Sawed = Pukul 09.00 - 10.00

9. Rumangsang = Pukul 11.00

10. Manceran = Pukul 12.00

11. Lingsir Ngulon = Pukul 13.00

12. Panon Poe Satangtung = Pukul 15.00

13. Tunggang Gunung = Pukul 16.00 - 17.00

14. Sariak Layung = Pukul 17.00 - 17.30

15. Sareupna = Pukul 17.30 - 18.00

16. Harieum Beungeut = Pukul 18.00 - 19.00

17. Sareureuh Budak = Pukul 19.00

18. Sareureuh Kolot = Pukul 21.00

B. Harti babasan/ paribasa :

1.    Beurat birit = kedul

2.    Amis daging = babari ku panyakit

3.    Kejot borosot = nyieun kaputusan anu ngadadak tanpa pertimbangan/ mun boga kahayang sok tara diengkekeun

4.    Ngadu angklung = parea-rea omong

5.    Ngabuntut bangkong = euweuh tungtungna/ teu anggeus

6.    Pacikrak ngalawan merak = nu leutik ngalawan nu gede

7.    Neukteuk curuk dina pingping = nyilakakeun dulur

8.    Cikaracak ninggang batu laun-laun jadi legok = ku disabaran mah pasti aya hasilna/ pagawean mah euweuh nu hese ari ku dileukeunan jeung disabaran mah

9.    Adean ku kuda beureum = ginding ku papakean batur

10.  Mun ngala supa kudu dipiara catangna = mun nitah kudu jeung buruhna

C. Kila-kila (totonden/ tanda-tanda/ tanggara),

1.  Sora manuk sit uncuing = bakal aya nu maot

2.  Sora hayam jago lain wayahna = rék aya nu reuneuh

3.  Sora manuk bueuk tengah peuting = bakal aya wanoja nu lalagasan tapi kakandungan alias reuneuh tapi acan kawin.

4.  Sora bebencé = Ceuk cenah lamun ngadéngé sora bebencé di lembur, tanda aya bangsat keur kukulamprengan neangan palingeun. Urang lembur kudu taki-taki, ulah saré tibra teuing

5.  Aya kukupu hiber di jero imah = rék aya tamu

6.  Ngimpi newak lauk = rek meunang duit

7.  Kekenudan panon kenca = rek manggih kasedih

8.  Kekenudan panon katuhu = rek manggih kabagjaan

9.  Murag bulu mata = aya nu sono ka urang

10.Lamun panas ceuli = aya nu ngomongkeun

D. Cacandran

a.    Bandung heurin ku Tangtung

b.    Ciamis amis ku manéh

c.    Cianjur katalanjuran

d.    Sumedang ngarangrangan

e.    Sukapura ngadaun ngora

f.     Garut jadi pangirutan

g.    Ciromed kampung beling

 ==========================================================

HARTI SAJAK

Sajak anu ngagambarkeun rasa panyajakna atawa ngébréhkeun pikiran jeung rasa pribadi panyajakna tur sipatna leuwih subjéktip di sebut sajak lirik. Sajak anu eusina ngagambarkeun perjoangan hiji jalma pikeun ngudag cita-cita katut kahayangna boh keur dirina jeung balarea (umum) disebut sajak epik. Harti dina kecap-kecap sajak kabeh ge miboga harti injeuman atawa lain harti saujratna. Dina nyieun sajak, kudu miboga kaparigelan (katerampilan) dina masang-masangkeun kecap sangkan miboga daya atawa ngandung kakuatan rasa, atawa sok aya nu ngecapkan ngeunah kadengena atawa matak dedengeeun. Eta katerampilan di maksud disebutna diksi atawa pilihan kecap. Sajak kauger atawa masih kaiket ku aturan wirahma. Wirahma nyaeta leutik gedena sora jeung luhur handapna sora maca sajak.

conto sajak :

Ruhak

Geuning anjeun lir arjuna sasab
Mentangkeun rěwuan jamparing
nu kapentang lir di usap angin
Sumilir serah bongkokan
Geuning anjeun lir arjuna kasmaran
Ngiceupan rewuan bidadari
Nu kabandang kumalayang
Katiruk ati
Geuning anjeun lir arjuna ědan
Malati ladang metik terus dijeuwang
Aing lain aswatama sumegruk
Bima nu siap padungdung ngababuk jajantung

=========================================

PANCAKAKI  MASYARAKAT SUNDA

Rundayan atawa Turunan

1.        Bau sinduk, indung/bapana gantung siwur (kait siwur)

2.        Gantung siwur/Kait siwur, indung bapana Udeg-udeg

3.        Udeg-udeg, indung bapana janggawareng (canggahwareng)

4.        Janggawareng/Canggahwareng, indung bapana bao atawa aki buyut

5.        Bao, indung bapana buyut

6.        Buyut, indung bapana aki atawa nini

7.        Aki, bapana indung atawa bapa

8.        Nini, indungna bapa atawa indung

9.        Bapa, lalaki nu boga anak atawa salaki indung

10.    Indung, awewe nu boga anak atawa pamajikan bapa

11.    Anak, turunan kahiji

12.    Incu, turunan kadua atawa anakna anak

13.    Buyut, anakna incu

14.    Bao, anakna buyut

15.    Janggawareng/Canggahwareng, anakna bao

16.    Udeg-udeg, anakna janggawareng atawa incuna bao

17.    Gantung siwur/Kait siwur, anakna udeg-udeg

18.    Bau sinduk, anakna gantung siwur.

19.    Dulur atawa Baraya ti Gigir

20.    Adi, dulur sahandapeun

21.    Lanceuk, dulur saluhureun

22.    Emang/Paman, lalaki adina bapa atawa adina indung

23.    Bibi, awewe adina bapa atawa indung

24.    Toa/Ua, lanceuk bapa atawa indung

25.    Alo/Suan, anak lanceuk atawa anak adi

26.    Kapiadi, anakna emang atawa bibi

27.    Kapilanceuk, anakna toa atawa ua

28.    Incu teges, anakna anak urang atawa anak minantu

29.    Anak teges, anak sorangan

30.    Incu ti gigir, incuna adi, anakna alo atawa anakna suan

31.    Aki ti gigir, lalaki, adina atawa lanceukna aki/nini

32.    Dulur atawa Baraya sejenna

33.    Besan/warang, indung atawa bapana minantu, atawa mitoha anak

34.    Mitoha/Mertua, indung bapana salaki atawa indung bapana pamajikan

35.    Minantu/Mantu, salaki anak atawa pamajikan anak

36.    Dahuan, lanceukna salaki atawa pamajikan

37.    Adi beuteung, adina salaki atawa pamajikan

38.    Dulur pituin, dulur asli

39.    Dulur teges, dulur saindung sabapa

40.    Dulur pet ku hinis, dulur teges atawa dulur saindung sabapa

41.    Dulur sabrayna/dulur Misan, anak paman, bibi atawa ua

42.    Maru, awewe sejen nu jadi pamajikan salaki (nu nyandung)

43.    Indung tere, pamajikan bapa nu lain ngalahirkeun urang

44.    Bapa tere, salaki bapa nu lain ngalantarankeun urang lahir

45.    Dulur tere/dulur pateterean, anak indung tere atawa anak bapa tere ti popotongan masing-masing

46.    Popotongan, urut atawa nu pernah jadi salaki, urut pamajikan atawa kabogoh (lantaran pepegatan) memeh kawin deui ka nu sejen

47.    Cikal, anak panggedena

48.    Bungsu, anak pangleutikna

49.    Pangais bungsu, lanceukna bungsu

50.    Baraya, sakur nu aya pancakakina

51.    Baraya Landes, baraya deukeut keneh

52.    Baraya Laer, baraya nu nurutkeun pancakaki geus jauh perenahna

53.    Sapiriumpi/saanak incu, sakulawarga atawa sajumlahna anggota kulawarga

54.    Mintelu, baraya turunan katilu

55.    Beuti pamelaran, sekeseler atawa turunan

56.    Bondoroyot/kulawadet, kulawarga, pamajikan, anak, incu jste.

57.    Bau-bau sinduk, baraya keneh sanajan geus laer

58.    Karuhun, luluhur jalma-jalma anu kungsi aya heulaeun urang, nu ngarundaykeun urang

59.    Deungeun-deungeun, nu lian atawa lain baraya

60.    Deungeun haseum, teu atawa lain baraya saeutik-eutik acan

61.    Teu hir teu walahir, teu atawa lain baraya

62.    Bibit buit, turunan asli

 =======================================

Bahan Sejenna : Aksara jeung Angka Sunda

S